ചിത്രം : ഡോക്ടര്‍
രചന : പി ഭാസ്കരന്‍
സംഗീതം : ജി ദേവരാജന്‍
ഗായിക : പി ലീല
വിരലൊന്നു മുട്ടിയാല്‍ പൊട്ടിച്ചിരിക്കുന്ന മണിവീണക്കമ്പികളേ
ആനന്ദ മാധുരിയില്‍ ഞാനലിഞ്ഞാടുമ്പോള്‍ ഗാനം നിര്‍ത്തരുതേ
നിങ്ങളുടെ ഗാനം നിര്‍ത്തരുതേ
കാലൊന്നനങ്ങിയാല്‍ കൈകൊട്ടിത്തുള്ളുന്ന
കനകച്ചിലങ്കകളേ കനകച്ചിലങ്കകളേ
കലയുടെ വാനില്‍ ഞാന്‍ പാറിപ്പറക്കുമ്പോള്‍
കാലില്‍ പിടിക്കരുതേ നിങ്ങളെന്നെ
മാടിവിളിക്കരുതേ (വിരലൊന്നു മുട്ടിയാല്‍ )
കാറ്റൊന്നടിച്ചാല്‍ കഥകളിയാടിടുന്ന
കദളിത്തൈവാഴകളേ കദളിത്തൈവാഴകളേ
മഴയൊന്നു വീണാല്‍ കളിയാട്ടം നിര്‍ത്തി
മണ്ണില്‍ പതിക്കരുതേ മതിമറന്നു
മണ്ണില്‍ പതിക്കരുതേ (വിരലൊന്നു മുട്ടിയാല്‍ )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ