മലയാള ഗാനങ്ങള്‍: 2012

2012, ജൂലൈ 13, വെള്ളിയാഴ്‌ച

സ്വര്‍ഗ്ഗഗായികേ

ചിത്രം : മൂലധനം

രചന : പി ഭാസ്കരന്‍

സംഗീതം : ജി ദേവരാജന്‍

ഗായകന്‍ : കെ ജെ യേശുദാസ്

സ്വര്‍ഗ്ഗഗായികേ ഇതിലേ ഇതിലേ

സ്വപ്നലോലുപേ ഇതിലേ ഇതിലേ

ഹൃദയമണിയറയില്‍ നിന്നെന്‍ കല്‍പന

മധുര ഭാഷിണിയായ് മന്ത്രിക്കുന്നൂ

സ്വര്‍ഗ്ഗഗായികേ.....

മൂടുപടം മാറ്റി മുഖം കുനിച്ചെത്തുന്ന

നാടന്‍ നവവധുവെന്നതു പോലെ (മൂടുപടം മാറ്റി...)

നവമീ ചന്ദ്രിക നിന്നുടെ മുന്നില്‍

നവനീതദലം വാരിത്തൂകി ... വാരിത്തൂകി ...

സ്വര്‍ഗ്ഗഗായികേ...

കുഞ്ഞു മേഘങ്ങളെ മുലകൊടുത്തുറക്കിയ

മഞ്ഞണിക്കുന്നുകള്‍ തോഴികളേപ്പോല്‍ (കുഞ്ഞു മേഘങ്ങളെ...)

മാമരയവനികയ്ക്കുള്ളില്‍ നിന്നീ

പ്രേമസംഗമം നോക്കുകയാവാം... നോക്കുകയാവാം...

സ്വര്‍ഗ്ഗഗായികേ ...

2012, ജൂലൈ 7, ശനിയാഴ്‌ച

കണ്ണാടിക്കയ്യില്‍

ചിത്രം : പാവം പാവം രാജകുമാരന്‍

രചന : കൈതപ്രം

സംഗീതം : ജോണ്‍സന്‍

ഗായിക : ചിത്ര

കണ്ണാടിക്കയ്യില്‍ കല്യാണം കണ്ടോ

കാക്കാത്തിക്കിളിയെ

ഉള്ളത്തില്‍ ചെണ്ടുമല്ലിപ്പൂവെറിഞ്ഞോരാളുണ്ടോ

അഴകോലും തമ്പ്രാനുണ്ടോ (കണ്ണാടിക്കയ്യില്‍...)

തളിരോലക്കൈനീട്ടും കതിരോനെ പ്പോലെ

അവനെന്നെത്തേടിയെത്തുമ്പോള്‍ (തളിരോലക്കൈനീട്ടും...)

പറയാന്‍ വയ്യാതെ പാടാന്‍ വയ്യാതെ

കിളിവാതില്‍പ്പാതിയിലൂടെ കണ്‍കുളിരെ ഞാന്‍ കാണും

കണ്ണോടുകണ്‍ നിറയും (കണ്ണാടിക്കയ്യില്‍...)

ഇലനീലത്തിരിനീട്ടും പൊന്നരയാല്‍ക്കൊമ്പില്‍

അവനെന്നെക്കണ്ടിരുന്നാലോ

ഒരു ജന്മം പോരാതെ മറു ജന്മം പോരാതെ

തന്നെത്താന്‍ ഒരുനിമിനേരം ഒരു തുടിയായിച്ചേരും

കണ്ണോടുകണ്‍ നിറയും (കണ്ണാടിക്കയ്യില്‍...)

മായപ്പൊന്‍മാനേ

ചിത്രം : തലയണമന്ത്രം

രചന : കൈതപ്രം

സംഗീതം : ജോണ്‍സണ്‍

ഗായിക : ചിത്ര

മായപ്പൊന്‍മാനേ നിന്നെത്തേടീ ഞാന്‍

വര്‍ണപ്പൂ മെയ്യില്‍ തലോടാന്‍ മാത്രം

നീലക്കണ്‍ കോണില്‍ നിലാവോ നിന്നുള്ളില്‍

തുളുമ്പും നൂറായിരമാശയേകും ഹിമാസാഗരമോ

മായപ്പൊന്‍മാനേ നിന്നെക്കണ്ടൂ ഞാന്‍

കന്നിപ്പൂമെയ്യില്‍ നിറമേകും മദമാടാന്‍ (മായപ്പൊന്‍മാനേ...)

തൊട്ടേനെ തൊട്ടില്ല

എന്‍ മാനസവാടിയാകെത്തിരയുമ്പോള്‍

കണ്ടേനെ കണ്ടില്ല

കണ്ണായിരമേകി നിന്നെത്തിരയുമ്പോള്‍

ഞാനെന്‍ കൈമെയ് മറന്നു കസ്തൂരിപ്പൊന്മാനെ

ദേവാംഗന നീന്തുന്നൊരു പാല്‍ക്കടല്‍ കരയില്‍

നിന്നെമെരുക്കുവതാരോ ആരോ പോറ്റുവതാരോ

എന്നിനി എന്നില്‍ കനിയും പകരും മൃഗമദതിലകം (മായപ്പൊന്‍മാനേ...)

അന്നൊരു നാള്‍ കേട്ടൂ ഞാന്‍

ഒരു മോഹന രാഗമായ് നീ നിറയുമ്പോള്‍

പണ്ടൊരു നാള്‍ കണ്ടൂ ഞാന്‍

പ്രിയ സീതയെ നീ മയക്കിയ വര്‍ണങ്ങള്‍ (അന്നൊരു നാള്‍...)

ആരും കാണാതെ വളര്‍ത്താം ഞാന്‍

കൊതി തീരെ തളിരേകാം

പൂന്തിങ്കള്‍പ്പെണ്ണാളിന്‍ കണ്മണിക്കുഞ്ഞേ

നീയെന്‍ നെഞ്ചിലുറങ്ങൂ പുള്ളിക്കോടിയുടുക്കൂ

നിന്നിലെ മായാ ലോകം പകരാന്‍ കരളിലൊതുങ്ങൂ (മായപ്പൊന്‍മാനേ...)

ഇന്ദുലേഖ കണ്‍തുറന്നു

ചിത്രം : ഒരു വടക്കന്‍ വീരഗാഥ

രചന : കൈതപ്രം

സംഗീതം : ബോംബെ രവി

ഗായകര്‍ : യേശുദാസ്

ഇന്ദുലേഖ കണ്‍തുറന്നു ഇന്നുരാവും സാന്ദ്രമായ് (2)

ഇന്ദ്രജാലം മെല്ലെയുണര്‍ത്തി മന്മഥന്‍റെ തേരിലേറ്റി (2)

ഇന്ദുലേഖ കണ്‍തുറന്നു ഇന്നുരാവും സാന്ദ്രമായ്

എവിടെ സ്വര്‍ഗ്ഗ കന്യകള്‍

എവിടെ സ്വര്‍ണ ചാമരങ്ങള്‍ (എവിടെ സ്വര്‍ഗ്ഗ...)

ആയിരം ജ്വാലാ മുഖങ്ങളായി

ധ്യാനമുണര്‍ത്തും തുടി മുഴങ്ങി (ഇന്ദുലേഖ ...)

ആരുടെ മായാമോഹമായ്

ആരുടെ രാഗ ഭാവമായ് (ആരുടെ മായാ....)

ആയിരം വര്‍ണ രാജികളില്‍

ആതിരരജനി അണിഞ്ഞൊരുങ്ങി (ഇന്ദുലേഖ ...)

ഉണ്ണി ഗണപതി തമ്പുരാനേ

ചിത്രം : ഒരു വടക്കന്‍ വീരഗാഥ

രചന : കൈതപ്രം

സംഗീതം : ബോംബെ രവി

ഗായകര്‍ : കെ എസ് ചിത്ര, ആശാലത, കോറസ്

ഉണ്ണി ഗണപതി തമ്പുരാനേ

അങ്ക കരിനാഗ ദൈവങ്ങളേ (2)

നെടുതാലിഭാഗ്യം കൊടുക്കവേണം

ചെന്നേടം ചെന്ന് ജയിക്കവേണം (2) (ഉണ്ണി ഗണപതി ...)

ആണുണ്ട് തൂണുണ്ട് തൃക്കയ്യുണ്ട്

തൂണിന്മേലായിരം ചെമ്പഴുക്കാ

ആണും തുണയുമേ ചേര്‍ത്തുകൊണ്ട്

ആദിത്യ ചന്ദ്രര് സാക്ഷിയാകെ

അഞ്ചാം വയസില്‍ കാതുകുത്തി

ഏഴാം വയസില്‍ എഴുത്തിരുത്തി

വിദ്യകളൊക്കെ തികഞ്ഞവര്

പത്താം വയസിലോ താലികെട്ട്

തെയ് തെയ് തെയ് തെയ് തിത്തെയ്

തെയ് തെയ് തെയ് തെയ് (2)

ഇവരല്ലോ ചേകോരായ് വളരേണ്ടോര്

ഇവരല്ലോ വാള്‍ത്തലേല്‍ ചോറുള്ളോര്

ഇവരല്ലോ ചമയം ചമയേണ്ടോര്

ഇവരല്ലോ പൊന്‍വിളക്കാകേണ്ടോര്

ഇവരല്ലോ കടകം തിരിയേണ്ടോര്

ഇവരല്ലോ അങ്കം ജയിക്കേണ്ടോര്

ഇവരല്ലോ മാംഗല്യം കൊള്ളേണ്ടോര്

ഇവരല്ലോ കൂടെപ്പുലരേണ്ടോര് (അഞ്ചാം വയസില്‍...)

പൂത്താലം വേണം പൂ പത്തും വേണം

ആണായിരം തുണ പോകേണം

താംബൂലം വേണം നീലോലം വേണം

പെണ്ണായിരം തുണ പോകേണം

പൂത്താലം വേണം പൂ പത്തും വേണം

അക്കളിയിക്കളി കോല്‍കളി വേണം

അത്തിരി ഇത്തിരി പൂത്തിരി വേണം (അക്കളിയിക്കളി ...)

ആണായിരം തുണ പോകേണം (പൂത്താലം വേണം...)

2012, ജൂലൈ 6, വെള്ളിയാഴ്‌ച

വിരലൊന്നു മുട്ടിയാല്‍

ചിത്രം : ഡോക്ടര്‍

രചന : പി ഭാസ്കരന്‍

സംഗീതം : ജി ദേവരാജന്‍

ഗായിക : പി ലീല

വിരലൊന്നു മുട്ടിയാല്‍ പൊട്ടിച്ചിരിക്കുന്ന മണിവീണക്കമ്പികളേ

ആനന്ദ മാധുരിയില്‍ ഞാനലിഞ്ഞാടുമ്പോള്‍ ഗാനം നിര്‍ത്തരുതേ

നിങ്ങളുടെ ഗാനം നിര്‍ത്തരുതേ

കാലൊന്നനങ്ങിയാല്‍ കൈകൊട്ടിത്തുള്ളുന്ന

കനകച്ചിലങ്കകളേ കനകച്ചിലങ്കകളേ

കലയുടെ വാനില്‍ ഞാന്‍ പാറിപ്പറക്കുമ്പോള്‍

കാലില്‍ പിടിക്കരുതേ നിങ്ങളെന്നെ

മാടിവിളിക്കരുതേ (വിരലൊന്നു മുട്ടിയാല്‍ )

കാറ്റൊന്നടിച്ചാല്‍ കഥകളിയാടിടുന്ന

കദളിത്തൈവാഴകളേ കദളിത്തൈവാഴകളേ

മഴയൊന്നു വീണാല്‍ കളിയാട്ടം നിര്‍ത്തി

മണ്ണില്‍ പതിക്കരുതേ മതിമറന്നു

മണ്ണില്‍ പതിക്കരുതേ (വിരലൊന്നു മുട്ടിയാല്‍ )

ഓര്‍മതന്‍ വാസന്ത നന്ദനത്തോപ്പില്‍

ചിത്രം : ഡെയ്സി

രചന : ഷിബു ചക്രവര്‍ത്തി

സംഗീതം : ശ്യാം

ഗായകന്‍ : യേശുദാസ്

ഓര്‍മതന്‍ വാസന്ത നന്ദനത്തോപ്പില്‍

ഒരു പുഷ്പം മാത്രം ഒരു പുഷ്പം മാത്രം

ഡെയ്സീ... ഡെയ്സീ.... ഡെയ്സീ....

ല ല ല ല ലാ ലാ

എവിടെ തിരിഞ്ഞാലും ഓര്‍മതന്‍ ഭിത്തിയില്‍

ഒരു മുഖം മാത്രം ഒരു ചിത്രം മാത്രം

നിനവിലും ഉണര്‍വിലും നിദ്രയില്‍ പോലും

ഒരു സ്വപ്നം മാത്രം ഒരു ദുഃഖം മാത്രം

വ്യോമാന്തരത്തിലെ സാന്ധ്യ നക്ഷത്രങ്ങള്‍

പ്രേമാര്‍ദ്രയാം നിന്‍റെ നീല നേത്രങ്ങള്‍

ഡെയ്സീ... ഡെയ്സീ.... ഡെയ്സീ....

ല ല ല ല ലാ ലാ

കവിളത്തു കണ്ണുനീര്‍ ചാലുമായ് നീയെന്‍

സവിധം വെടിഞ്ഞു പിന്നെ ഞാനെന്നും

തലയിലെന്‍ സ്വന്തം ശവമഞ്ചമേന്തി

നരജന്മ മരുഭൂവില്‍ അലയുന്നു നീളെ

ഡെയ്സീ... ഡെയ്സീ.... ഡെയ്സീ....

ല ല ല ല ലാ ലാ

2012, ജൂൺ 27, ബുധനാഴ്‌ച

ചെമ്പാവു പുന്നെല്ലിന്‍

രചന : റഫീഖ് അഹമ്മദ്

സംഗീതം : ബിജിബാല്‍

ഗായിക : പുഷ്പവതി

ചിത്രം : സാള്‍ട്ട് ആന്‍ഡ്‌ പെപ്പര്‍

തന തിന്ന താനാ തിന്ത താനാ തിന്ന തിന്തിന്നോം

തന തിന്ന താനാ തിന്ന താനാ തിന്ന തിന്തിന്നോം

ചെമ്പാവു പുന്നെല്ലിന്‍ ചോറോ

നിന്‍റെ മുത്താരം മിന്നുന്ന മുല്ലപ്പൂച്ചിരിയോ (തന തിന്ന ....)

മുളകരച്ചൊരുക്കിയ പരല്‍ മീനിന്‍ കറി കൂട്ടീ-

ട്ടെരിവ് കൊണ്ടിടംകണ്ണു തുടിച്ചവനേ (തന തിന്ന ....)

പഞ്ചാരപ്പാലട പ്രഥമന്‍

തൂശനിലതന്നില്‍ വിളമ്പുമ്പോള്‍ ഒഴുകിടാതെ

വലംകയ്യാല്‍ ഇടംകയ്യാല്‍ വടിച്ചിട്ടും തടുത്തിട്ടും

പ്രണയം പോല്‍ പരക്കുന്ന മന:പ്പായസം

മൂവാണ്ടന്‍ മാവിന്‍റെ കുളിര്

വേനല്‍ കനലൂട്ടി വിരിഞ്ഞൊരു കനകച്ചെപ്പ്

തക തിത്തിന്നോ താനിന്നോ താനിക താനിന്നോ

പഴം പുളിശ്ശേരി ചാറില്‍ പിടിക്കുമ്പോള്‍ വഴുക്കണ

മധുരമാം പഴം പോലെ വലക്കുന്നോളേ (തന തിന്ന ....)

വരിക്കപ്പൊന്‍ ചക്കേടെ മടല്

കൊത്തി നനുനനെയരിഞ്ഞിട്ടങ്ങുടച്ചൊരുക്കി
തക തിത്തിന്നോ താനിന്നോ താനിക താനിന്നോ

പഴുത്ത പ്ലാവിലകൊണ്ടു കയില്‍ കുത്തി ചുടുകഞ്ഞി

കുടിക്കുമ്പോള്‍ വിയര്‍പ്പാറ്റാനടുത്തുവായോ (തന തിന്ന ....)

വേണ്മേഘപ്പത്തിരി താളില്‍

നല്ല താറാവിന്‍ ചൂടുള്ള നാടന്‍ കറി വേണ്ടേ

തക തിത്തിന്നോ താനിന്നോ താനിക താനിന്നോ

കുഴച്ചുടച്ചൊരുപിടി പിടിക്കുവാന്‍ വിളമ്പട്ടെ

മുളം കുറ്റി നിറഞ്ഞ പുട്ടൊരിക്കല്‍ കൂടി (തന തിന്ന ....(4))

ശര്‍ക്കര പന്തലില്‍

രചന : വയലാര്‍

സംഗീതം : ദേവരാജന്‍

ഗായിക : എ പി കോമള

നാടകം : കതിരുകാണാക്കിളി (KPAC)

ശര്‍ക്കര പന്തലില്‍ തേന്മഴ ചൊരിയും ചക്രവര്‍ത്തി കുമാരാ

നിന്‍ മനോ രാജ്യത്തെ രാജകുമാരിയായ്

വന്നുനില്‍ക്കാനൊരു മോഹം

ശര്‍ക്കര പന്തലില്‍ തേന്മഴ ചൊരിയും ചക്രവര്‍ത്തി കുമാരാ

ദാഹിച്ചു മോഹിച്ചു നിന്‍ പ്രേമയമുനയില്‍

താമര വള്ളം തുഴയാം ( ദാഹിച്ചു )

കരളിലുറങ്ങും കതിര്‍കാണാക്കിളി

കാത്തിരിപ്പൂ നിന്നെ

കാത്തിരിപ്പൂ നിന്നെ (ശര്‍ക്കര )

വീണുടയാതെയിരിക്കാന്‍ ജീവിത

വീണതരാം ഞാന്‍ കയ്യില്‍

കനക സ്മരണകള്‍ നീട്ടിയ നെയ്ത്തിരി

കാഴ്ച വയ്ക്കാം മുന്നില്‍

ഹൃദയം നിറയെ സ്വപ്നവുമായ് നീ

മധുരം കിള്ളിത്തരുമോ (ഹൃദയം )

വിജനലതാ ഗൃഹ വാതിലില്‍ വരുമോ

വീണമീട്ടിത്തരുമോ വീണമീട്ടിത്തരുമോ (ശര്‍ക്കര (2 ) )

കളരിവിളക്കു തെളിഞ്ഞതാണോ

രചന : കെ ജയകുമാര്‍ ഐ എ എസ്

സംഗീതം : ബോംബെ രവി

ഗായകന്‍ : കെ എസ് ചിത്ര

ചിത്രം : ഒരു വടക്കന്‍ വീരഗാഥ

വര്‍ഷം : 1989

കളരി വിളക്ക് തെളിഞ്ഞതാണോ

കൊന്നമരം പൂത്തുലഞ്ഞതാണോ

മാനത്തൂന്നെങ്ങാനും വന്നതാണോ

കുന്നത്ത് സൂര്യന്‍ ഉദിച്ചതാണോ

കളരി വിളക്ക് തെളിഞ്ഞതാണോ

കാരിരുളൊത്ത മുടിയഴകും

കാരിരുമ്പോടൊത്ത കൈക്കരുത്തും

ശംഖു കടഞ്ഞ കഴുത്തഴവും

മാറത്തു മാമ്പുള്ളി പോര്‍ച്ചുണങ്ങും

മാനത്തൂന്നെങ്ങാനും വന്നതാണോ

കുന്നത്ത് സൂര്യന്‍ ഉദിച്ചതാണോ

നാഗത്തളയിട്ട കാല്‍വടിവും

ചൊവ്വൊത്ത ചേകോന്‍റെ മെയ്യഴകും

പടകാളി മുറ്റം നിറഞ്ഞു നില്‍ക്കും

അങ്കക്കലയുള്ള വീരനാരോ

മാനത്തൂന്നെങ്ങാനും വന്നതാണോ

കുന്നത്ത് സൂര്യന്‍ ഉദിച്ചതാണോ

കളരി വിളക്ക് തെളിഞ്ഞതാണോ

കൊന്നമരം പൂത്തുലഞ്ഞതാണോ

ചന്ദന ലേപ സുഗന്ധം

രചന : കെ ജയകുമാര്‍ ഐ എ എസ്

സംഗീതം : ബോംബെ രവി

ഗായകന്‍ : കെ ജെ യേശുദാസ്

ചിത്രം : ഒരു വടക്കന്‍ വീരഗാഥ

വര്‍ഷം : 1989